عرضِ ناشر

ہم اس سے پہلے مولانا سیّد ابوالاعلیٰ مودُودی صاحب کی نشری تقریروں کا ایک مجموعہ ’’اسلام کا نظام حیات‘‘ کے نام سے شائع کرچکے ہیں۔ اس کے علاوہ مولانا ممدوح کی کچھ نشری تقریریں اور بھی ہیں جو تقسیم سے پہلے آل انڈیا ریڈیو اور تقسیم کے بعد ریڈیو پاکستان لاہور سے نشر ہوتی رہی ہیں۔ یہ مختلف اوقات میں منتشر طور پر تو شائع ہو چکی ہیں لیکن یکجا اور کتابی صورت میں ان کی اشاعت کی سعادت پہلی مرتبہ اس مجموعہ کی شکل میں ہمیں حاصل ہوئی ہے۔
بعض تقاریر کے حاشیہ میں جو عبارتیں بڑھائی گئی ہیں، وہ سب مصنف نے توضیح مدعا کے لیے بعد میں بڑھائی ہیں۔ ان میں سے کوئی عبارت اصلی نشری تقریر کا جزو نہیں ہے۔ اس مجموعہ میں تقاریر کی ترتیب ان کے مضامین کی مناسبت سے رکھی گئی ہے نہ کہ ان کی تاریخ ہائے نشر کے لحاظ سے۔
ہم ان تقاریر کی اشاعت کی اجازت کے لیے ریڈیو پاکستان اور مولانا سید ابو الاعلیٰ مودودی صاحب، دونوں کے شکر گزار ہیں۔

منیجنگ ڈائریکٹر