بسم اللہ الرحمن الرحیم

تعریف اُس خدا کے لیے ہے جو ساری کائنات کا، اور اس کے رہنے والوں کا خالق، مالک، رازق، مربی، آقا اور نگہبان ہے، جس نے انسان کو عقل عطا کی، صحیح اور غلط کی سمجھ دی، بھلے اور بُرے کی تمیز بخشی، سوچنے سمجھنے اور زندگی کے راستے پہچاننے کی قابلیت عطا کی، اورانسان کی رہنمائی کے لیے اپنی کتابیں نازل کیں اور اپنے رسول بھیجے اور درود وسلام ہو اللہ کے اُن نیک بندوں پر جنہوں نے انسان کوزندگی بسر کرنے کا سیدھا راستہ دکھایا، اسے پاکیزہ اخلاق کی تعلیم دی، اور دنیا میں انسان بن کر رہنے کا طریقہ سکھایا۔